الشجن المهاجر

اهــــــلا وسهـــــلا
الشجن المهاجر

ست شموس الكون منايه

المواضيع الأخيرة

» ادريس محمد جماع/ ديوان ( لحظات باقية) 2
السبت 7 أبريل - 12:05 من طرف Admin

» ادريس محمد جماع ديوان ( لحظات باقية)
السبت 7 أبريل - 11:50 من طرف Admin

» محمد علي كلاي
الثلاثاء 29 ديسمبر - 12:27 من طرف ذكي سيد احمد

» أنيس منصور
الأربعاء 18 نوفمبر - 21:13 من طرف Admin

» بيتر ألتنبرغ
الأربعاء 18 نوفمبر - 21:05 من طرف Admin

» أندريه موروا
الأربعاء 18 نوفمبر - 21:03 من طرف Admin

» أنت مثل جميع من في الكون، تستحق حبك وعاطفتك. "جوتاما بوذا"
الأربعاء 18 نوفمبر - 20:54 من طرف Admin

» غروشو ماركس
الأربعاء 18 نوفمبر - 20:49 من طرف Admin

» ونستون تشرشل
الإثنين 16 نوفمبر - 14:08 من طرف Admin


    ﺃﻗﻴﻒ ﻣﺎ ﺗﺒﻜﻰ ﻳﺎ ﻏﺎﻟﻰ

    شاطر
    avatar
    Admin
    Admin

    المساهمات : 257
    تاريخ التسجيل : 06/09/2014
    العمر : 36
    الموقع : السودان

    ﺃﻗﻴﻒ ﻣﺎ ﺗﺒﻜﻰ ﻳﺎ ﻏﺎﻟﻰ

    مُساهمة من طرف Admin في الثلاثاء 16 سبتمبر - 23:25

    ﻳﺎ ﻣﻮﻻﻱ
    ﻛﻠﻤﺎﺕ ﻋﻜﻴﺮ ﺍﻟﺪﺍﻣﺮ ﻭﺁﺧﺮﻳﻦ
    ﻳـــﺎ ﻣﻮﻻﻱَ ﺑﺸـــﻜِﻴﻠَﻚ ﺷـــﻘﺎﻱَ
    ﻭﻏُـــﻠﺒﻲ
    ﺣﻈِّﻲ ﺍﻟﺪِّﻳﻤَﺔ ﻣـﻦ ﺭﺩ ﺍﻷﻧﻴـﺲ
    ﺟـﺎﻓِـﻠْﺒـﻲ
    ﻃــﺎﻟْـﺖَ ﺍﻟﺴَّـﻔْـﺮﺓ ﻭﺍﻧﺤﻔَّـﺖ ﻣﻨﺎﺳِـﻢ
    ﺗِﻠْﺒـﻲ
    ﻫـﺐَّ ﺍﻟﺮَّﻳـْﺢ ﻭﻋــﺎﻭﺩَﻙ ﺍﻟﺤﻨﻴـﻦ ﻳﺎ
    ﻗﻠـﺒـﻲ
    ﻣﺎﻟِـﻚ ﻧﻔﺴـﻲ ﻣﻄـﻌــﻮﻧـﺔ ﻭﺗﻤَـﻠِّـﻲ
    ﺗﻨﻴـﻨـﻲ
    ﻣﺎﻟِـــﻚ ﻋﻴﻨـﻲ ﻟﻠﻐﻤَّﻴـــﺪ ﺃﺑـــﻴـﺘـﻲ
    ﺗﻠﻴـﻨـﻲ
    ﻋﻄﺸﺎﻥ ﺩﻳﻤﺔ ﻛَﻔـْﺢَ ﺍﻟﻤـﻮﻳـﺔ ﻣـﺎ
    ﺑﺮﻭﻳﻨـﻲ
    ﻛـﺎﺗﻼﻧـﻲ ﺍﻟﻄــﺮﻳﻔـﻴـﺔ ﺍﻟﺒـﺮﻳـــﺪﺍ
    ﻗﺮﻳـﻨـﻲ
    ﺍﻟﻨَــﺎﺱ ﻋَﻴـَّـﺪَﺕْ ﻣَــﺮَﻗﺖْ ﻋَــﻠَﻲ
    ﺃﺻْﺤَﺎﺑَﺎ
    ﻭﺍﻧﺎ ﻓﺮَّﻳﺖْ ﻋَﻠَﻰ ﺍﻟﺠَﺎﻫﻠﻪ ﺍﻟﺴَﻤِﺢْ
    ﺗِﺮﺣَـﺎﺑَﺎ
    ﻓَـﺎﻃْــﺮﺍً ﻳﺤﻜِـﻲ ﺑَﺮَّﺍﻕ ﺍﻟﺒِـﺪَﻭﺩِﻱ
    ﺳِـﺤَﺎﺑَﺎ
    ﻟﻔَّــﺖْ ﻗَــﻠَﺒﻲ ﺯﻱ ﻟﻒْ ﻃَـﺮْﺣَﺘَﺎ
    ﺍﻟﻼﻓﺤَﺎﺑَﺎ
    ﺍﺗَﻤﻨّﻰ ﺍﻟﺪﻫﺐ ﻟﻮ ﻟﻮﻧﻪُ ﻳﺸﺒﻪ ﻟﻮﻧِﻚ
    ﻭﺍﺷﺘﻬﺖ ﺍﻟﺪﺭﺭ ﻟﻮ ﻫﻲ ﺗﺒﻘﻰ ﺳُﻨﻮﻧِﻚ
    ﻣﺠﻨﻮﻥ ﻟﻴﻠﻰ ﺣﺎﻟﺘﻮ ﺍﻗﻞ ﻣﻦ ﻣﺠﻨﻮﻧِﻚ
    ﻣﺎ ﺩﺍﻡ ﻟﻴﻠﻰ ﻛﺎﻧﺖ ﻓﻲ ﺍﻟﻤﺤﺎﺳِﻦ
    ﺩُﻭﻧِﻚ
    ﻏﺼﺒﺎً ﻋﻨﻲ ﻓﺎﺭﻗﺖَ ﺍﻟﻀﺮﻳﺢ ﻏﻴﺮ
    ﺃﻣﺮﻱ
    ﻛــﻞ ﻣﺎ ﻫﺐّ ﻧﺴَّــﺎﻡ ﻣﻨُّﻮ ﺯﺍﺩ ﻓﻲ
    ﺟﻤْﺮﻱ
    ﺟﺮﺣﻲ ﺍﻟﻘﺮَّﺏ ﻳﺒﺮﺍ ﻭﻛﺎﺩْ ﻳﻮﺩِّﺭ
    ﻋـﻤﺮﻱ
    ﺭﺩَﺩُﻭ ﻟﻲَّ ﺗﻐـــﺮﻳﺪ ﺑـُﻠﺒــﻠﻚ ﻳﺎ
    ﻗُــﻤﺮﻱ
    ﺃَﺧَﺪَﺭْ ﻟَﻴﻬُﻮ ﺿُﻞْ ﻓَﻮﻗُـﻮ ﺍﻟﻤَﺤَﺎﺳِﻦْ
    ﺷَـﺮَّﻥْ
    ﺃَﻓْﻠﺞ ﻓَﺎﻃﺮُﻭ ﺯَﻱ ﺑﺮﻕ ﺍﻟﺴَﻮﺍﺭﻱ
    ﺍﻟﻜﺮَّﻥْ
    ﻳِﺘﻘَﺴَّـــﻢْ ﻣَﻘَﺎﻃِـﻊ ﻓﻲ ﺍﻟﻤَﺸِــﻲ
    ﻭﻳﺘْﺤـﺮَّﻥْ
    ﺯﻱ ﻓــﺮﺥ ﺍﻟﻘﻄـﺎ ﺍﻷﻣَّﺎﺗﻮ ﺭَﻛَّـﻦْ ﻭﻓﺮَّﻥْ
    ﻋــــﻤﻲ ﺍﻟﻬﺎﺩﻱ ﻧﺸّﺎﺏ ﺍﻟﺒﺮﻳﺪﺍ
    ﺿﺮﺑﻨﻲ
    ﻗﺴّــــﻢ ﻧﻮﻣــــﻲ ﻣﻦ ﺗﻴﺒَﺎﻥ ﺣﻴﺎﻳﺎ
    ﺳﻠﺒﻨﻲ
    ﺣﺎﻛـﻢ ﻇﺎﻟﻢ ﺃﺑﻲ ﻳﻘﺒﻞ ﺳﺆﺍﻟﻲ
    ﺻﻠﺒﻨﻰ
    ﺻﺒﺮﻱ ﺍﻟﻜﺎﻥ ﺟﻤﻴﻞ ﺟﺮﺑﺘﻮ ﻭ ﻛﻠﻮ
    ﻏﻠﺒﻨﻲ
    ﻣﻦ ﺍﻟﺒﻴﺖْ ﺟَــﺎ ﻃَــﺎﻟــﻊ ﺑﻲْ ﻟُﻄُـــﻒْ
    ﻳﺘﻜَّـﻞْ
    ﺍﻟﻄِّــﻴﺐ ﺍﻟﻤَﻔَـﺤَّــﻞْ ﺑْﻲ ﺍﻟﻘُــﺮُﻧﻔُــﻞ
    ﻋَﻜَّـــﻞْ
    ﻓﻮﻕ ﺳَﺪْﺭُﻭ ﻭﺗﺤﺖْ ﺗَﻮﺑُﻮ ﺍﻟَﺮﻫﻴﻒ
    ﻭﻣَﺸَﻜَّﻞْ
    ﻳَﻐـﻄِـــﺲ ﻭﻣَـــﺮَّﺓ ﻳﻘْـﻠَﻊ ﺑُﺮْﺗُﻜﺎﻥْ
    ﺍﻟﺒﺮﻛَــﻞْ
    ﺧﺘَّﺖْ ﺃﻳﺪﻫﺎ ﻓـﻮﻕ ﺇﻳـﺪﻱ ﺍﻧﺠﺬﺑـﺖَ
    ﺧِــﺪِﺭْﺕَ
    ﺣﺒﻴﺖ ﺃﻣﺸﻲ ﻣﻦ ﻛُﺘﺮ ﺍﻟﻄـﺮﺏ ﻣـﺎ
    ﻗـﺪِﺭْﺕَ
    ﺑﻘــﺖ ﺍﻟﺤﻨـَّﺔ ﺑﻴـﻦ ﺇﻳـﺪﻱ ﻭﺃﻳﺪﻳﻬـﺎ
    ﺍﻧـﺪِﺭْﺕَ
    ﻟـﻮﻻ ﺍﻟﺤﻨـَّﺔ ﺑﻴﻨـﻲ ﻭﺑﻴﻨﻬـﺎ ﻛــﻨـﺖ
    ﻭﺩِﺭْﺕَ
    ﺷـــﻌـﺮِﻙ ﻣﻨﺘﻈـــﻢ ﺯﻱ ﺍﻟﺴـﻼﺳـﻞ
    ﻓﺘـْﻠـُﻮ
    ﻭﻋﻴﻨﻴﻚِ ﺗﺮﻗِّﺺ ﺍﻟﺤﺠـﺮ ﺇﻥ ﺑﻘـﺖ
    ﺷﺎﻓﺘْﻠُـﻮ
    ﺍﻟﻄـﺎﺅﻭﺳﺔ ﻗﺎﺻـﺪﺓ ﻣﺸﻴﻜـﻲ ﻣـﺎ
    ﻋﺮﻓﺘْﻠـُﻮ
    ﻭﺍﻋﺼـﺎﺏ ﺍﻟـﺮﺀﺁﻙ ﺍﺗﻜـﻬـﺮﺑـﺖ
    ﺗِـﻠْﻔَـﺘْـﻠُـﻮ
    ﻛَـﻮْﻧِﻲ ﺣَﻠِﻴﻔُﻮ ﻣَـﺎﻟُﻮ ﻋَﻠﻲَّ ﺑِﻌْﻠِﻦْ ﺣَـﺮْﺑُﻮ
    ﻃَـﺎﻟِﻊْ ﺳَـﻌْﺪُﻭ ﻓﻲ ﺷَﺮْﻗﻮُ ﻭَﻣُﻨَﻮِّﺭْ ﻏَﺮْﺑُﻮ
    ﺳَﻴَـﺎﻥْ ﻋِﻨﺪِﻱ ﻭَﺍﺣِﺪ ﺑُﻌْﺪُﻭ ﺃﻭ ﻛَﺎﻥْ
    ﻗُﺮْﺑُﻮ
    ﻣَﺎ ﺑَـﺎﺭَﺣْﻨﻲ ﻓﻲ ﻣُﺮُﻭﺭْ ﺍﻟﻨَﻔَﺲْ ﺑَﺸْﻌُﺮْﺑُﻮ
    ﻣﻤﺸُــﻮﻕ ﺍﻟﻘــﻮﺍﻡ ﺍﻟﻤــﺎ ﻭﺟــﺪﺗﺎ
    ﻣﺜﻴــــﻠﻮ
    ﺧﺼﺎﻣﻮ ﻣﻌﺎﻱَ ﺃﺧﻴﺮ ﻟﻲْ ﻣﻦ ﻣﺤﻨَّﺔ
    ﻏﻴﺮﻭ
    ﺟﺎﻓــﺎﻧﻰ ﺍﻟﻌـــﺰﻳﺰ ﺍﻟﻜﻨﺘﺎ ﺩﻳﻤـــﻪ
    ﻧﺼـﻴﺮﻭ
    ﻫﻮ ﻳﺴـﻮِّﻯ ﺍﻟﻐﻠﻂ ﻭﺍﻧﺎ ﺍﺳﻮِّﻱ ﻛﺘَّﺮ
    ﺧﻴﺮﻭ
    ﺃَﺡْ ﻭﺍﻟﻮَﺣَّـــﻪ ﻣَﺎﺏ ﺗَﺪُﻭﺭْ ﺗَﻔَــﺎﺭِﻕْ
    ﻗَﻠْﺒِﻲ
    ﺃﺡْ ﻣﻦ ﻧـﺎﺭ ﻓﻼﻧﺔ ﻭﺟﺮﺣﻬﺎ ﺍﻟﻨﻮﺳﺮﺑﻲ
    ﻳﺎ ﻧﻔﺴﻲِ ﺍﻟَﺼــﺒُﺮ ﻟﻮُﻛﻴﻬُﻮ ﻻ ﺗﻨْﺴَــﻠﺒﻲ
    ﺍﻟﺤَﻆْ ﻣَﺎ ﺑﺪُﻭﻡْ ﻳَﻮﻡْ ﻏَﺎﻟﺒَﺔ ﻳﻮَﻡْ
    ﺗﻨﻐَـﻠْﺒﻲَ
    ﻋﻦ ﻣﻦ ﺃﺣﺒـُّﻪ ﻏﻴـﺮ ﺧﺎﻃـﺮﻱ ﺃﻧﺎ
    ﻓُـﺮِﻗْـﺖَ
    ﻫﺎﺋﺞ ﺑﻲ ﻏﺮﺍﻡ ﻋﻦ ﺣﺎﻟﺘـﻲ ﻛﻠـﻲ
    ﺳُﺮِﻗـْﺖَ
    ﻟﻮﻻ ﺃﺩﻣﻌـﻲ ﻣـﻦ ﻧـــﺎﺭﻱ ﻛـﻨـﺖ
    ﺣـﺮِﻗـْﺖَ
    ﻭﻟﻮﻻ ﻧﺎﺭﻱ ﻣـﻦ ﻛﺘـﺮﺓ ﺩﻣﻮﻋـﻲ
    ﻏﺮﻗـْﺖ

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    ﺳﺎﻣﺤﻨﻲ ﻭﺍﺻﻔﺢ ﻳﺎﺣﺒﻴﺐ
    ﺳﺎﻣﺤﻨﻲ ﻭﺍﺻﻔﺢ ﻳﺎﺣﺒﻴﺐ ﺳﺎﻗﻮﻧﻲ
    ﻣﻨﻚ ﺑﺎﻟﻐﺼﺐ
    ﻧﺪﻣﺎﻧﻪ ﻟﻴﻪ ﺳﺒﺘﻚ ﺑﺮﺍﻙ ﺗﺘﺒﺎﻛﻰ ﻓﻲ
    ﻧﺺ ﺍﻟﺪﺭﺏ
    ﻃﻤﻨﻲ ﺣﺎﻟﻚ ﺍﻧﺖ ﻛﻴﻒ ﻭﺍﻟﺒﻲ ﻳﻬﻮﻥ
    ﻣﻬﻤﺎ ﻣﺎﺻﻌﺐ
    ﺍﻧﺎ ﺍﺻﻠﻲ ﺯﻭﻝ ﺍﺣﺴﺎﺳﻮ ﻣﺎﺕ ﻣﻦ
    ﺑﺪﺭﻱ ﻣﻌﺘﺎﺩﻱ ﺍﻟﻀﺮﺏ
    ﻛﻢ ﻣﺮﺓ ﺷﺎﻧﻚ ﻳﺎﻣﻨﺎﻱ ﻣﻦ ﺣﻨﻀﻞ
    ﺍﻻﻻﻡ ﺷﺮﺏ
    ﻣﻦ ﺧﺸﻤﻲ ﺗﺘﻘﺎﻃﺮ ﺩﻣﺎﻱ ﻟﻮ ﻳﻨﻄﻖ
    ﺍﺳﻤﻚ ﺑﺎﻟﻜﻀﺐ
    ﻧﻔﻮﻧﻲ ﻣﻦ ﻧﺺ ﺍﻟﺪﻳﺎﺭ ﻳﻮﻡ ﻋﺮﻓﻮﺍ
    ﺍﻧﻲ ﻟﻴﻚ ﺑﺤﺐ
    ﻟﻜﻨﻮ ﻛﻞ ﻣﺎﺯﺍﺩ ﺑﻌﺎﺩﻱ .. ﻟﻘﻴﺘﻪ
    ﺷﺨﺼﻚ ﻟﻲ ﻗﺮﺏ
    ﺳﺠﻨﻮﻧﻲ ﺑﻴﻦ ﺍﺭﺑﻊ ﺣﻴﻂ ﺯﺭﺑﻮﻧﻲ ﻣﻦ
    ﺟﻴﻬﺘﻚ ﺯﺭﺏ
    ﻟﻜﻨﻲ ﺷﺎﻳﻔﺎﻙ ﻛﻞ ﻳﻮﻡ ﻫﻞ ﻃﻴﻒ
    ﺧﻴﺎﻟﻚ ﻳﺤﺘﺠﺐ ؟
    ﻃﺎﻟﻮﻧﻲ ﺑﺎﻟﻴﺪ ﻭﺍﻟﻠﺴﺎﻥ ﻣﺎﻓﻲ ﺷﻴﺘﺄ ﻣﺎ
    ﺳُﻠﺐ
    ﻏﻴﺮ ﺣﺒﻚ ﺍﻟﻤﺎ ﻗﺪﺭﻭﺍ ﻳﻮﻡ ﻳﺼﻠﻮﻫﻮ ..
    ﻣﺎﺳﺎﻛﻦ ﺍﻟﻘﻠﺐ
    ﻭﺍﻏﺮﺏ ﺷﻰﺀ ﺍﻧﻲ ﺍﻧﺎ ﺑﻲ ﻭﺭﺍﻙ ﺑﻨﺰﻝ
    ﻭﺍﺗﻬﺎﻥ ﻭﺍﻧﻀﺮﺏ
    ﻟﻜﻨﻲ ﻋﺒﺪﺍﻟﺮﺣﻴﻢ ﺃﺭﻗﻲ
    ﻣﺎﺩﺍﻡ ﻫﻲ ﻣﺎ ﺭﺍﻋﺖ ﺷﻌﻮﺭﻙ ﻻ
    ﺿﻤﻴﺮﻫﺎ ﻫﻲ ﺍﺳﺘﺤﻲ
    ﺍﻧﺴﺎﻫﺎ ﻭﺍﻟﺒﻜﺎ ﻣﺎﺑﻴﻔﻴﺪ ﻗﺸﻘﺶ
    ﺩﻣﻮﻋﻚ ﻭﺍﻣﺴﺤﻬﺎ
    ***
    ﻛﻠﻤﻨﻲ ﺷﻦ ﻭﺩﺍﻙ ﻗﺒﻴﻞ ﺗﻔﺮﺩ
    ﻣﺸﺎﻋﺮﻙ ﺗﻔﻀﺤﻬﺎ
    ﺧﻠﻴﺘﺎ ﺣﻲ ﺍﻟﺴﻮﻕ ﺭﻳﺎﺽ ﻳﺎﻧﻌﺔ
    ﻭﺯﻫﻮﺭﺓ ﻣﻔﺘﺤﺔ
    ﻃﻮﻟﺖ ﺍﻳﺪﻙ ﻟﻲ ﻗﻄﻮﻑ ﺯﻫﺮﺓ
    ﻭﻏﻤﻴﺼﺔ ﻣﺴﺎﺭﺣﻬﺎ
    ﺯﻱ ﻣﺎﻫﻲ ﻋﺎﺷﻘﻲ ﺍﻻﻏﺘﺮﺍﺏ ﺑﺮﺿﻮ
    ﺍﻧﺖ ﻋﺎﺷﻖ ﻣﻠﻤﺤﻬﺎ
    ***
    ﺻﺢ ﻛﺖ ﻳﺎﻣﺴﻜﻴﻦ ﺯﻣﺎﻥ ﺩﺍﻳﻤﺎ
    ﺗﺸﻜﺮﺓ ﺗﻤﺪﺣﻬﺎ
    ﻣﺎﺑﺘﺮﺿﻰ ﻟﻮ ﻛﺎﻥ ﺑﺎﻟﻐﻠﻂ ﺑﻲ ﻛﻠﻤﺔ
    ﺍﻧﺴﺎﻥ ﻳﺠﺮﺣﻬﺎ
    ﻣﺎ ﻛﺖ ﻓﻮﻕ ﻛﻞ ﺍﻟﺒﻨﺎﺕ ﺗﺴﺮﺩ
    ﻣﺤﺎﺳﻨﻬﺎ ﺗﺸﺮﺣﻬﺎ
    ﻛﺎﻧﺖ ﻋﻮﺍﻃﻒ ﺍﻧﺴﺎﻥ ﺿﻌﻴﻒ
    ﺳﺎﻛﺖ ﺟﻨﺎﺣﻲ ﻣﺠﻨﺤﺔ
    ***
    ﺍﻧﺸﺎﺀ ﺍﻟﻠﻪ ﻣﻨﻬﺎ ﺗﺘﻌﻆ ﻭﺗﻜﻮﻥ ﺧﻄﺎﻙ
    ﺗﺘﻮﺷﺤﺔ
    ﻛﺎﻧﺖ ﺣﺴﺎﺑﺎﺗﻚ ﻏﻠﻂ ﻓﻲ ﺍﻟﻘﺴﻤﺔ
    ﻭﺍﻟﻀﺮﺏ ﺍﺗﻤﺤﻲ
    ﺍﺗﺄﻧﻰ ﻓﻲ ﺟﺒﺮ ﺍﻟﻜﺴﻮﺭ ﺑﺮﺍﺣﺔ ﺍﺟﻤﻌﻬﺎ
    ﻭﺍﻃﺮﺣﻬﺎ
    ﻭﺍﺧﺮ ﺷﻲ ﻛﺎﻥ ﺗﻌﺮﻑ ﺑﺮﺍﻙ ﺣﺘﻰ
    ﺍﻟﻐﺮﺍﻡ ﺑﻘﺎ ﻣﺼﻠﺤﺔ
    ***
    ﺑﺖ ﺣﻮﺓ ﻳﺎ ﻣﻈﻠﻮﻡ ﺑﻘﺖ ﻟﻠﻤﺎﻝ
    ﻋﻘﻮﻟﻬﺎ ﻣﻠﻘﺤﺔ
    ﻳﺎ ﺭﻳﺖ ﻋﻘﻮﻝ ﺍﻟﻨﺎﺱ ﺑﻌﺪ ﻣﺎ ﺗﺤﺐ
    ﺗﺨﺶ ﺍﻟﻤﺸﺮﺣﺔ
    ﻳﻘﺮﻭﺍ ﺍﻟﻠﻲ ﻛﺎﻥ ﺧﺎﻓﻲ ﺍﻟﻘﻠﻮﺏ ﻛﻴﻒ
    ﺍﻟﺸﺮﺍﻳﻴﻦ ﺗﻨﻀﺤﺔ
    ﻭﻳﺘﺮﺍﺟﻊ ﺍﻟﻨﻄﻘﻮ ﺍﻟﻠﺴﺎﻥ ﺻﺢ ﻭﻟﻠﻪ
    ﺯﻱ ﺿﻞ ﺍﻟﻀﺤﺔ
    ***
    ﻣﻐﺮﻭﺭﺓ ﻣﺎ ﺩﺍﺭﺕ ﺳﻜﻮﻥ ﺑﻠﺪﺍ ﺷﻘﺎﻭﺓ
    ﻭﺩﺭﺩﺣﺔ
    ﻻ ﺗﻤﺸﻲ ﺗﻨﺰﻝ ﺑﻲ ﺗﺤﺖ ﻻ ﺣﺘﺎ
    ﺍﺭﺿﻚ ﺗﻨﻘﺤﻬﺎ
    ﻻﺑﻮﻗﺔ ﻻ ﻣﻮﻳﺔ ﺷﺮﺍﺏ ﻻ ﻭﺍﻃﺔ ﻣﺎﻫﺎ
    ﻣﺼﻠﺤﺔ
    ﻻ ﺷﻠﺖ ﻟﻠﻤﺤﺮﺍﺕ ﺳﻄﻮﺭ ﻻ ﺷﺘﻠﺔ
    ﻣﺎﻫﺎ ﻣﺼﻔﺤﺔ
    ***
    ﻛﺎﻧﺖ ﻗﺒﻴﻞ ﻃﻤﻌﺎﻧﻲ ﻓﻴﻚ ﻓﺎﺭﺱ
    ﺟﻴﻮﺑﻮ ﻣﺘﻤﺴﺤﺔ
    ﺩﺍﻳﺮﺍﻙ ﻳﻮﻡ ﺟﻴﺖ ﻟﻠﻌﺮﺱ ﻧﺎﺭ ﺍﻟﻠﻪ
    ﻓﻲ ﺍﻟﻨﺎﺱ ﺗﻘﺪﺣﻬﺎ
    ﺍﻟﺸﻴﻠﺔ ﺑﺎﻟﺸﻨﻂ ﺍﻟﻜﺒﺎﺭ ﻣﺒﻄﻮﺣﺔ
    ﺭﺍﻗﺪﻱ ﻣﺒﻄﺤﺔ
    ﺩﻱ ﺍﻟﺤﻠﻲ ﻭﺍﻟﻨﺎﺱ ﺟﺎﺕ ﺗﺸﻮﻑ
    ﺭﺍﺟﻴﻦ ﻣﺘﻴﻦ ﺗﺠﻲ ﺗﻔﺘﺤﻬﺎ
    ﻛﺎﻥ ﺑﺎﻟﻬﺎ ﻓﻲ ﺷﻬﺮ ﺍﻟﻌﺴﻞ ﻃﻮﻝ
    ﺍﻟﺰﻣﻦ ﻣﺎ ﻳﺒﺮﺣﻬﺎ
    ﺗﺴﻜﻦ ﻣﻌﺎﻙ ﻓﻲ ﺑﻴﺖ ﻛﺒﻴﺮ ﻣﻮﻛﻴﺖ
    ﻭﺣﻴﻄﻮ ﻣﺴﻠﺤﺔ
    ﻋﺮﺑﻴﺘﻚ ﺍﻟﻤﻠﻚ ﺍﻟﺤﻼﻝ ﺟﻠﺪ ﺍﻟﻨﻤﺮ
    ﻭﺍﻟﻤﻠﻔﺤﺔ
    ﺑﻮﺗﻮﺟﺎﺯ ﻣﻮﻟﻊ ﻭﺩﻳﺐ ﻓﺮﻳﺰﺭ ﻭﺍﺏ
    ﺭﻳﻤﻮﺕ ﻭﺍﻟﻤﺮﻭﺣﺔ
    ***
    ﺗﺴﺮﻕ ﻣﻨﺎﻫﺎ ﻗﺒﻞ ﻳﺘﻢ ﻛﻞ ﺍﻟﻤﺸﺎﻋﺮ
    ﺗﺠﺮﺣﻬﺎ
    ﻳﺎ ﺟﻌﻔﺮ ﺍﻟﺤﻴﺎﺓ ﻣﺪﺭﺳﺔ ﺩﺍﻳﻤﺎ ﻣﻘﺮﺭﺓ
    ﻓﻲ ﺍﻟﺼﺤﻲ
    ﻣﻤﻜﻦ ﻧﻌﻴﻨﻚ ﻓﻲ ﺍﻟﺪﺭﻭﺱ ﻟﻮ ﺍﻧﺖ
    ﻏﻠﺒﻚ ﺗﺸﺮﺣﻬﺎ
    ﻭﺍﻋﺮﻑ ﺑﺎﻧﻮ ﺍﻭﻝ ﺩﺭﺱ ﺍﻟﺰﻭﻝ ﺑﻴﺎﻛﻞ
    ﺍﻟﻤﻠﺤﺔ ﺑﻨﺴﺎﻫﻮ ﺯﻱ
    ﺍﻟﻜﺎﻥ ﻛﻀﺐ
    ﻭﺭﻳﺘﻢ ﺍﻧﻲ ﺍﻧﺎ ﻟﻲ ﺣﺒﻴﺐ ﻟﻮ ﺧﻨﺘﻪ
    ﺑﺸﻌﺮ ﺑﺎﻟﺬﻧﺐ
    ﺳﺎﻗﻴﻨﻲ ﺭﺍﻭﻳﻨﻲ ﺍﻟﻤﺤﺒﺔ ﻭﻣﻦ ﺣﻨﺎﻧﻮ
    ﻛﻤﺎﻥ ﺷﺮﺏ
    ﻳﺎﺧﻮﻳﺔ ﺯﻱ ﺭﻳﺪﻙ ﻭﻟﻴﺪﺍﻙ ﻭﺑﺮﺿﻲ
    ﻟﻠﻤﺮﻳﻮﺩ ﺑﺤﺐ
    ﻭﺍﻟﻠﻪ ﻟﻮ ﺣﺎﺱ ﺑﺎﻟﻌﻠﻲ ﻣﺎﺑﺘﺮﺿﻰ ﺑﻴﺘﻨﺎ
    ﻳﺘﺨﺮﺏ
    ﺯﻱ ﻣﺎﺏ ﺗﺪﻭﺭﻟﻬﻢ ﺍﻟﺴﻤﺢ ﻟﻲ ﺑﺮﺿﻮﺍ
    ﺧﻴﺮ ﺍﻟﺪﻧﻴﺎ ﺣﺐ
    ﻟﻜﻨﻲ ﺍﻟﻘﻰ ﺍﻟﺪﺍﻳﺮﻩ ﻭﻳﻦ ﻣﻦ ﻧﺎﺱ
    ﻣﻌﻴﻦ ﺧﻴﺮﻥ ﻧﻀﺐ
    ﺑﺎﻟﺸﻮﺭﺓ ﺯﻱ ﺑﻴﻌﺔ ﺍﻟﻤﻠﺢ ﺑﺎﻋﻮﻧﻲ ﻓﻲ
    ﺍﻟﺴﻮﻕ ﺑﺎﻟﺠﻠﺐ
    ﻭﻣﺎﺭﺍﻋﻮ ﻟﻲ ﺍﻣﻲ ﺍﻟﺪﻭﺍﻡ ﺗﺘﺒﺎﻛﻰ ﺷﺎﻧﻲ
    ﻭﺗﺤﺘﺠﺐ
    ﺑﺎﺭﻳﺖ ﻟﻲ ﺯﻭﻝ ﺑﺎﻟﺠﺘﺔ ﺑﺲ .. ﺑﺎﺭﻧﻚ
    ﺍﻟﺮﻭﺡ ﻭﺍﻟﻘﻠﺐ
    ﺍﻧﺎ ﻗﻠﺒﻲ ﻟﻮ ﻓﺎﺭﻕ ﺿﺮﺍﻙ ﻣﺎ ﺍﻇﻨﻪ ﻣﻦ
    ﺑﻌﺪﻙ ﻛﺴﺐ
    ﻣﺘﺤﻤﻠﻲ ﺍﻻﻡ ﺑﺮﺍﻱ ﺷﺎﻳﻠﻲ ﺍﻟﻬﻤﻮﻡ ﻣﺎ
    ﺑﺘﺘﺤﺴﺐ
    ﻭﻣﺎﻟﻘﻴﺖ ﻟﻲ ﺯﻭﻝ ﺣﺲ ﺍﻟﻌﻠﻲ
    ﻗﺎﺳﻤﻨﻲ ﻫﻤﻲ ﻣﻌﺎﻱ ﺗﻌﺐ
    ﻋﺮﻓﺖ ﺻﺢ ﺍﻟﻢ ﺍﻟﻀﺮﺏ ﻣﺎﺑﺤﺴﻪ
    ﺯﻭﻝ ﻏﻴﺮ ﺍﻟﻀﺮﺏ
    ﺍﻟﻐﺮﺑﺔ ﻛﻴﻒ ﻭﻋﺬﺍﺑﻪ ﻣﺎ ﻣﺎ ﺑﻴﻄﺮﺍﻩ ﺍﻻ
    ﺍﻟﻤﻐﺘﺮﺏ
    ﻓﻮﺿﺖ ﻟﻲ ﺍﻟﻠﻪ ﺍﻻﻣﺮ ﻭﻛﺘﻴﻦ ﻣﻦ
    ﺍﻟﺘﺤﻨﻴﺲ ﻏﻠﺐ
    ﻣﻈﻠﻮﻣﺔ ﻭﺍﻟﻤﻈﻠﻮﻡ ﺩﻋﻮﺗﻪ ﻣﻦ ﺍﻻﻟﻪ ﻣﺎ
    ﺑﺘﺘﺤﺠﺐ
    ﺑﻜﺘﺒﻠﻚ ﺍﺳﻊ ﻳﺎﻟﺤﺒﻴﺐ ﻣﺼﺒﺮﺓ
    ﻭﻣﺎﺳﻜﻰ ﺍﻟﻘﻠﻢ
    ﺑﻜﺖ ﻟﻚ ﺍﺳﻊ ﻭﺍﻟﻘﻠﻴﺐ ﻣﺠﺮﻭﺡ
    ﻳﻌﺎﻧﻲ ﻣﻦ ﺍﻻﻟﻢ
    ﻣﻜﺘﻮﺑﻲ ﻣﻦ ﺷﻬﺮ ﺍﻟﻌﺴﻞ
    ﺷﻬﺮﺍﻟﻤﺮﺽ ﻭﺷﻬﺮ ﺍﻟﺴﺠﻢ
    ﻣﻠﻔﻮﻓﺔ ﺑﻲ ﻛﻔﻦ ﺍﻟﺰﻓﺎﻑ ﻭﺍﻟﺤﻨﺔ ﻓﻲ
    ﺍﻳﺪﻳﺎ ﺩﻡ
    ﻣﺮﻗﺖ ﻣﻦ ﺳﺠﻦ ﺍﻟﻄﻐﺎﺓ ﻭﻗﻌﺖ ﻓﻲ
    ﺍﻟﺬﻝ ﻭﺍﻟﻮﻫﻢ
    ﻗﺒﻠﺖ ﺑﺎﻟﻮﺍﻗﻊ ﺍﻟﻤﺮﻳﺮ ﺍﻣﻨﺖ ﺑﻲ ﺍﻣﺮ
    ﺍﻟﻘﺴﻢ
    ﻗﺒﻠﺖ ﺑﺎﻟﺪﺍﻳﺮﻧﻮﺍ ﻟﻲ ﻛﻢ ﻗﺒﻠﻲ ﻣﻈﻠﻮﻡ
    ﺍﻧﻈﻠﻢ
    ﻭﻳﺌﺴﺖ ﻣﻦ ﻋﻴﺸﺔ ﻋﺬﺍﺏ ﺭﺍﻣﺎﻧﻲ ﻓﻲ
    ﺯﻭﻝ ﻣﺎﺭﺣﻢ
    ﺍﻧﺴﺎﻧﺔ ﺻﺮﺕ ﺑﻼ ﻃﻤﻮﺡ ﺑﻼ ﻣﺒﺎﺩﻯ
    ﺑﻼ ﻗﻴﻢ
    ﻗﻨﻌﺖ ﻣﻦ ﺍﻟﺮﺣﻤﺔ ﺗﺐ ﺑﺲ ﻓﻴﻚ
    ﻣﺎﺗﻘﻄﻊ ﺍﻟﻌﺸﻢ
    ﻭﻻﺯﻟﺖ ﻳﺎﻙ ﻣﺎﻟﻚ ﺍﻟﻘﻠﻴﺐ ﺭﻏﻢ ﺍﻧﻪ
    ﺍﻣﺮﻱ ﺍﻧﺎ ﺍﻧﺤﺴﻢ
    ﻭﻻﺯﻟﺖ ﺑﻔﺨﺮ ﺑﻴﻚ ﻭﺍﻗﻮﻝ ﺍﻧﺖ
    ﺍﻟﺤﺒﻴﺐ ﻓﻲ ﻛﻞ ﻣﻠﻢ
    ﻭﻻﺯﻟﺖ ﺑﻲ ﺍﺳﻤﻚ ﺑﺼﻴﺢ ﻟﻮ ﺣﺘﻰ
    ﺳﺎﻛﺖ ﺍﺗﻬﺠﻢ
    ﻭﺑﻘﻮﻟﻪ ﻗﺪﺍﻡ ﺍﻱ ﺯﻭﻝ ﻣﺎﺧﺎﻳﻔﺔ ﺍﺻﻠﻮ
    ﺍﻟﻤﻮﺕ ﻫﻮ ﻛﻢ ؟
    ﻭﺍﺧﺮ ﺭﺳﺎﻟﺘﻲ ﺑﻄﻤﻨﻚ ﺍﺭﺟﻮﻙ
    ﻣﺎﺗﺸﻴﻞ ﻟﻴﺎ ﻫﻢ
    ﺧﻠﻴﻚ ﻓﻲ ﻋﻬﺪﻙ ﻣﻌﺎﻱ ﺍﺭﺟﺎﻧﻲ ﻻ
    ﺗﻔﻮﺕ ﺑﺎﻟﺴﺄﻡ
    ﺍﺣﻔﻈﻨﻲ ﻓﻲ ﺟﻮﺍﻙ ﻓﺮﺡ .. ﺑﻠﺴﻢ
    ﺗﺪﺍﻭﻳﺒﻮ ﺍﻻﻟﻢ
    ﺯﻱ ﺣﻔﻈﻲ ﻟﻴﻚ ﺑﻴﻦ ﺍﻟﻀﻠﻮﻉ ﺍﻧﺖ
    ﻭﻗﻠﻴﺒﻲ ﺍﻧﺎ ﺟﻢ ﻭﺟﻢ
    ﺍﺧﻮﺍﻧﻲ ﺳﻴﺒﻬﻢ ﻳﻔﺮﺣﻮﺍ ﺍﻧﺎ ﺟﺮﺣﻲ
    ﻟﺴﻊ ﻣﺎﻟﺘﺌﻢ
    ﻳﻤﻜﻦ ﺿﻤﻴﺮﻫﻢ ﻳﻮﻡ ﻳﺤﺲ ﻭﻳﻌﺮﻓﻮ
    ﺍﻧﻲ ﺍﻥ ﺍﻧﻈﻠﻢ
    ﻭﻳﻌﻮﺩﻭﺍ ﺷﺎﻥ ﻳﺒﻨﻮ ﺍﻟﻮﻗﻊ ﻛﻴﻔﻦ ﺑﻴﺒﻨﻮ
    ﺍﻻﻧﻬﺪﻡ؟
    ﺩﻳﻞ ﻧﺎﺱ ﻫﻮﺍﻳﺘﻢ ﺍﻟﻈﻠﻢ ﺩﻳﻞ ﺧﻠﻮﺍ
    ﻋﻴﺸﺘﻲ ﺑﻼ ﻃﻌﻢ
    ﻭﻣﺎ ﺳﻮﻭ ﺑﻲ ﺣﻜﻢ ﺍﻟﻌﻘﻞ ﻣﺎ ﺑﻴﻨﺪﻡ
    ﺍﻟﻠﻴﻬﻮ ﺍﺣﺘﻜﻢ
    ﺍﻟﻨﺎﺱ ﺑﺘﻨﻘﺎﺱ ﺑﺎﻟﻌﻘﻮﻝ ﻣﺎ
    ﺑﺎﻟﺠﻼﻟﻴﺐ ﻭﺍﻟﻌﻤﻢ
    ﻭﺍﻧﺎ ﻣﺎﺳﻜﻲ ﻓﻲ ﺣﺒﻞ ﺍﻟﺼﺒﺮ ﻓﻲ ﺍﻟﻠﻪ
    ﺍﻣﻠﻲ ﺍﻧﺎ ﻣﺎ ﺍﺗﻌﺪﻡ

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    ﻋﺒﺪﺍﻟﻠﻪ ﻣﺤﻤﺪ ﺧﻴﺮ
    ﺻﺪﻳﻖ ﺃﺣﻤﺪ
    ﻭﺩ ﺍﻟﺪﺍﺑﻰ ﻣﺎﻟﻚ ﺳﺎﻛﺖ ﻣﺎ ﺷﻔﺖ
    ﺍﻟﺠﻼ ﺍﻟﺴﻮﺍﻫﺎ
    ﺷﺎﻝ ﻣﺤﺒﻮﺑﺘﻲ ﺳﺎﻓﺮ ﺑﻴﻬﺎ ﻛﻴﻔﻦ ﻋﺎﺩ
    ﺑﻌﻴﺶ ﻟﻮﻻﻫﺎ
    ﺑﺎﺑﻮﺭ ﺍﻟﺒﺤﺮ ﻣﻮ ﻋﺎﺭﻓﻲ ﺷﺎﻳﻠﻲ ﺍﻋﺰ
    ﺯﻭﻝ ﺟﻮﺍﻫﺎ
    ﻣﺎﻫﻤﺎﻫﺎ ﺣﺎﻟﻲ ﺍﻟﺒﻲ ﻣﺎ ﺩﺍﻡ ﻧﻮَّﺭﻩ
    ﻭﺿﻮﺍﻫﺎ
    ﺗﺸﺘﻜﻲ ﺑﺎﻟﻌﻠﻲ ﻋﻴﻮﻧﻲ ﺃﻫﻤﻠﻪ ﻣﺎ
    ﺳﻤﻊ ﺷﻜﻮﺍﻫﺎ
    ﺍﻟﻠﺤﻜﻴﻠﻚ ﺃﻟﻤﺎﻙ ﻋﺎﺭﻓﻮ ﻛﻴﻒ ﻣِﺴﺨﺖ
    ﺑﻠﺪﻧﺎ ﻭﺭﺁﻫﺎ
    ﻛﺎﻥ ﻛﺎﺗﻤﻪ ﺍﻟﺸﺠﻦ ﻓﻲ ﻭﺩﺍﻋﻪ ﺍﻻ
    ﺩﻣﻮﻋﻬﺄ ﻣﻮ ﺳﺎﺗﺮﺍﻫﺎ
    ﻭﺃﻳﻪ ﻓﺎﻳﺪﺓ ﺣﻴﺎﺗﻲ ﺍﻟﺒﻌﺪﻫﺄ ﺁﺧﻮﻱ
    ﺃﺗﻘﻠﺐ ﻣﺠﺮﺍﻫﺎ
    ﺗﻘﺼﺮ ﺍﻭ ﺗﻄﻮﻝ ﺃﻳﺎﻣﻰ ﺩﻱ ﺇﻧﺎ ﻷﻣﻦ
    ﺃﻣﻮﺕ ﺑﻄﺮﺍﻫﺎ
    ﻣﻦ ﻳﻮﻣﺔ ﺭﺣﻴﻠﻬﺄ ﺍﻟﺴﻤﺤﻪ ﺧﻠﺖ ﻓﻲ
    ﺍﻟﻌﻴﻮﻥ ﺫﻛﺮﺍﻫﺎ
    ﺧﻠﺖ ﻓﻲ ﺍﻟﻘﻠﻴﺐ ﺑﺼﻤﺎﺗﻬﺄ ﺃﺣﺮﻑ
    ﻛﻞ ﻳﻮﻡ ﺑﻘﺮﺍﻫﺎ
    ***
    ﻣﺎ ﺑﺘﺤﻤﻞ ﺣﺒﻴﺒﺘﻰ ﺍﻟﻐﺮﺑﻪ ﻻ ﻻ
    ﻭﺣﺎﺗﻬﺄ ﻣﻮ ﻗﺎﺩﺭﺍﻫﺎ
    ﻭﻛﻴﻒ ﺣﺎﻟﻬﺄ ﺇﻥ ﻣﺸﺖ ﻓﻲ ﺑﻠﺪﺍ
    ﺣﺎﺭﻩ ﻭﻧﺎﺳﺎ ﻣﻮ ﺷﺎﻛﺮﺍﻫﺎ
    ﻛﺎﻥ ﻓﺎﺕ ﺍﻟﻤﺤﻄﺎﺕ ﺟﻤﻠﻪ ﻳﺎ ﺣﺴﻦ
    ﺍﻟﻘﺮﻳﺮ ﺑﻘﺸﺎﻫﺎ
    ﻗﻮﻡ ﻳﻮﻡ ﺍﻟﺘﻼﺗﺎﺀ ﺃﻧﺪﻟﻪ ﺑﻰ ﺗﺎﻻ
    ﺍﻟﺮﺻﻴﻒ ﺗﻠﻘﺎﻫﺎ
    ﻣﺎ ﺗﻌﺎﻳﻦ ﻛﺘﻴﺮ ﻭﺗﺸﺒﻪ ﺩﻳﻚ ﺇﻳﺎﻫﺎ
    ﺩﻳﻚ ﻣﻮ ﻳﺎﻫﺎ
    ﺑﺎﻳﻨﻪ ﺣﺒﻴﺒﺘﻲ ﻣﻦ ﺑﺴﻤﺎﺗﺎ ﻭﺍﻟﻨﻮﺭ
    ﻳﻀﻮﻱ ﻣﻦ ﻣﺤﻴﺎﻫﺎ
    ***
    ﻳﺎ ﺣﺴﻦ ﺃﻧﺖ ﻓﻮﻕ ﺃﻭﺻﺎﻓﻪ ﺟﻴﺐ
    ﺃﺑﻴﺎﺕ ﻭﻗﻮﻝ ﻣﻌﻨﺎﻫﺎ
    ﻭﺍﻭﻋﻚ ﺗﺮﺗﺒﻚ ﻓﻰ ﻭﺩﺍﻋﻪ ﺫﻱ ﻣﺎ
    ﻧﺤﻦ ﻭﺩﻋﻨﺎﻫﺎ
    ﻭﺍﻛﺘﺐ ﻟﻲ ﺟﻮﺍﺏ ﻃﻤﻨﻲ ﻻ ﻳﺒﻘﻰ
    ﺍﻟﺴﻔﺮ ﺃﻋﻴﺎﻫﺎ
    ﻣﺎ ﺑﺘﻘﺪﺭ ﻋﻠﻴﻬﺎ ﺍﻟﺪﺭﺟﻪ ﺇﻻ ﻏﻠﺐ
    ﻋﻠﻴﻬﺎ ﺣﻴﺎﻫﺎ
    ﻫﺎﻙ ﻣﻨﻲ ﺍﻟﺮﺳﺎﻟﺔ ﺍﻟﺘﺎﻟﺘﻪ ﻭﻋﻴﻨﻰ
    ﺑﺎﻟﺪﻣﻮﻉ ﺭﺍﻭﻳﺎﻫﺎ
    ﺗﻠﻘﺎﻙ ﺣﺎﻓﻈﻲ ﻟﻠﺒﻴﻨﺎﺗﻨﺎ ﻭﺗﺒﻘﻰ
    ﺍﻟﻌﺸﺮﻩ ﻣﻮ ﻧﺎ ﺳﻴﺎﻫﺎ
    ﺇﻥ ﻛﻨﺖ ﻣﺎ ﺑﺨﺎﻑ ﻋﺰﺍﻟﻰ ﺁﺯﻭﻝ ﻛﺖ
    ﺑﻘﻮﻡ ﺍﺑﺮﺃﻫﺎ
    ﻟﻜﻴﻦ ﺑﺨﺸﻰ ﻗﻠﻨﺎ ﻭﻗﺎﻟﻮ ﻭﺣﺎﻟﻲ
    ﺍﻟﺴﻤﺤﻪ ﻋﺎﺭﻓﻪ ﺑﺮﺍﻫﺎ

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    ﺿــﻞ ﺍﻟﻐﻴﻤــﺔ
    ﺿﻞ ﺍﻟﻐﻴﻤﺔ ﻏﺶ ﻗﻠﻴﺒﻰ ﻗﺎﻝ ﻳﻨﺠﻢ
    ﺧﺖ ﺭﺣﺎﻟﻮ
    ﻓﺎﺕ ﺧﻼﻫﻮ ﺩﻩ ﺍﻟﻜﺎﻥ ﻇﻨﻮ ﻓﻰ ﻋﺰ
    ﺍﻟﻬﺠﻴﺮ ﻳﺮﺗﺎﻟﻮ
    ﻋﺎﺩ ﻭﺭﻳﻨﻰ ﻟﻴﻪ ﻳﺎ ﻏﻴﻤﺔ؟ ﻣﺎﻙ ﻋﺎﺭﻓﻰ
    ﺍﻟﺴﻔﺮ ﻭﺍﺣﻮﺍﻟﻮ؟
    ﻭﻻَّ ﻗﻠﻴﺒﻰ ﺗﺤﺘﻚ ﺣﺎﻟﻔﻲ ﻣﺎ ﻳﻄﻴﺒﻠﻮ
    ﺍﻟﻤﻘﻴﻞ ﻳﺤﻼﻟﻮ ؟
    ﺿﻠﻚ ﻣﻦ ﺑﻌﻴﺪ ﻳﺎ ﻏﻴﻤﺔ ﻛﺎﻥ ﺩﺍﻳﻤﺎً
    ﺑﻴﺘﻤﺎﺭﺍﻟﻮ
    ﺟﺎﻓﻞ ﻣﻨُّﻮ ﻟﻜﻦ ﺑﺮﺿﻮ ﻛﺎﻥ ﻋﺎﻗﺪ
    ﻋﻠﻴﻬﻮ ﺍﻣﺎﻟﻮ
    ﺟﺎﻳﻴﻚ ﻣﻦ ﺑﻌﻴﺪ ﻳﺎ ﻏﻴﻤﺔ ﻗﺎﺻﺪﻙ
    ﺩﺍﺭ ﻳﺮﻳِّﺢ ﺑﺎﻟﻮ
    ﻟﺤﻈﺎﺕ ﺑﺲ ﻳﻌﻴﺸﻦ ﻫﺎﻧﻰ ﺗﺤﺘﻚ
    ﺯﻯ ﻋﻤﺮ ﺗﺒﻘﺎﻟﻮ
    ﻓﺎﻛﺮﻙ ﻭﺍﻟﻬﺠﻴﺮ ﻳﺎ ﻏﻴﻤﺔ ﺻﺎﻟﻴﻬﻮ
    ﻭﻣﺒﺸﺘﻦ ﺣﺎﻟـﻮ
    ﺑﻰ ﺗﺤﻨﺎﻥ ﺗﺤﻀﻨﻰ ﻋﻠﻴﻜﻰ ﺗﻤﺴﺤﻰ
    ﻣﻨُّﻮ ﺩﻣﻌﺎﺕ ﺳﺎﻟﻮ
    ﻟﻮ ﻛﺎﻥ ﻟﻴﻚ ﻗﻠﺐ ﻳﺎ ﻏﻴﻤﺔ ﻋﺎﺷﻘﻚ
    ﻓﺎﺕ ﺭﺣﻠﺒﻮ ﻭﺷﺎﻟﻮ
    ﻛﺎﻥ ﻭﺍﺩﻳﻜﻲ ﺩﻣﻌﻚ ﺭﺵَّ ﻛﺘﺮﺕ
    ﻋﺮﺑﻮ ﻓﻰ ﺣﻼَّﻟﻮ
    ﻣﺎ ﺩﺍﻡ ﻓُـﺘـِّﻰ ﺁﻫـ ﻳﺎ ﻏﻴﻤﺔ ﻗﺼﺪﻭ
    ﺍﻟﺪﺍﻳﺮﻭ ﻣﺎ ﺗﻤَّﺎﻟﻮ
    ﺷﻦ ﺍﻟﺤﺎﺭﺳﻮ ﺑﺎﻗﻰ ﻭﺭﺍﻛﻰ ﻣﺎ ﺩﺍﻡ
    ﻏﺮﺩﻭ ﺗﺐ ﻣﺎ ﻧﺎﻟﻮ
    ﺑﺎﻟﻠﻴﻞ ﻭﺍﻟﻨﻬﺎﺭ ﻳﺎ ﻏﻴﻤﺔ ﻧﺎﻭﻯ ﻳﻘﻮﻡ
    ﻋﻠﻰ ﺗﺮﺣﺎﻟﻮ
    ﻭﺣﺪﻭ ﺧﻼﺹ ﻳﻮﺍﺻﻞ ﺗﺎﻧﻰ ﻣﺸﻮﺍﺭﺍً
    ﻛﺘﻴﺮﻯ ﺍﻫﻮﺍﻟﻮ
    ﻗﻮﻟﻴﻠﻮ ﺍﻟﻮﺩﺍﻉ ﻳﺎ ﻏﻴﻤﺔ ﻟﻮ ﻛﺎﻥ ﻓﻰ
    ﺍﻟﻮﺩﺍﻉ ﻳﻠﻘﺎﻟﻮ
    ﺣﺒﺔ ﺯﺍﺩ ﻳﺸﻴﻼ ﻣﻌﺎﻫﻮ ﻓﻰ ﺳﻔﺮﻭ
    ﻭﻟﻴﺎﻟﻰ ﺍﻟﻄﺎﻟﻮ
    ﺩﺍﺭ ﻳﻮﺻﻴﻜﻲ ، ﻫﺎﻙ ﻳﺎ ﻏﻴﻤﺔ ، ﻟﻰ
    ﺯﻭﻻً ﻗﺒﻴﻞ ﻏﻨَّﺎﻟﻮ
    ﺗﻤﺸﻴﻠﻮ ﻭﺗﻮﺻِّﻔﻰ ﻟﻴﻬﻮ ﻛﻴﻒ ﺟﻤﺮ
    ﺍﻟﻐﺮﺍﻡ ﺳﻮَّﺍﻟﻮ
    ﻛﻴﻔﻦ ﺑُﻌﺪﻭ ﺁﻫـ ﻳﺎ ﻏﻴﻤﺔ ﺗﺐ ﻓﻰ
    ﺍﻟﺪﻧﻴﺎ ﻣﺎ ﺧﻼَّﻟﻮ
    ﻏﻴﺮ ﺟﺮﺣﺎً ﻳﺰﻳﺪ ﺍﻳﻼﻣﻮ ﻛﻠﻤﺎ ﺻﺤﺒﻮ
    ﻗﺎﻟﻮﺍ ﻭﻗﺎﻟﻮﺍ
    ﻏﻴﺮ ﺑﻴﺖ ﻣﻦ ﻗﺼﻴﺪ ﻳﺎ ﻏﻴﻤﺔ ﻳﻔﺮِﺡ
    ﺣﺘﻰ ﻟﻰ ﻋﺰﺍﻟﻮ
    ﻣﻬﻤﺎ ﺳﻮُّﻭﺍ ﻓﻮﻗﻮ ﻭﺟﺎﺑﻮ ، ﺯﺍﺩﻭﻟﻮ
    ﺍﻟﻤﻼﻣﺔ ﻭﻛﺎﻟﻮ
    ﻏﻴﺮ ﻃﻴﻔﻮ ﺍﻟﺤﺒﻴﺐ ﻳﺎ ﻏﻴﻤﺔ ﻓﻰ ﺩﻧﻴﺎ
    ﺍﻟﻌﺬﺍﺏ ﻫﻼَّﻟﻮ
    ﺍﺗﺬﻛﺮ ﺯﻣﺎﻧﻮ ﺍﻟﻮﻟَّﻰ ، ﺭﻕَّ ﻗﻠﻴﺒﻮ ﺗﺐ
    ﺣﻨَّﺎﻟﻮ
    ﻏﻴﺮ ﻗﻴﺪﺍً ﺧﻼﺹ ﻳﺎ ﻏﻴﻤﺔ ﻣﻌﻘﻮﺩ
    ﻭﺍﻧﻌﺪﻡ ﺣﻼَّﻟﻮ
    ﺭﻏﻢ ﺍﻟﺒﻴﻬﻮ ﻗﻮﻟﻰ ﻟﻴﻬﻮ ﻣﺎ ﻓﺎﺭﻗﺖ
    ﻟﺤﻈﺔ ﺧﻴﺎﻟﻮ

    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven
    ﻋﻴﻮﻧَﻚ
    ﺃﻗﻴﻒ ﻣﺎ ﺗﺒﻜﻰ ﻳﺎ ﻏﺎﻟﻰ ... ﻋﻴﻮﻧﻚ
    ﻣﺎﻫﺎ ﻟﻠﺠُﺮﺳﺔ
    ﻋﻴﻮﻧﻚ ﻳﺎ ﺣﺒﻴﺒﻨﺎ ﻋﻴﻮﻥ ... ﻓﻘﻂ
    ﻟﻠﻨَّﻈﺮﺓ ﻭﺍﻟﻨَّﻌﺴﺔ
    ﻋﻴﻮﻧﻚ ﺳﻤﺤﺔ ﺍﻟﻨَّﻈﺮﺍﺕ ... ﺑﻬﻴَّﺔ
    ﺍﻟﻄﻠَّﺔ ﻭﺍﻟﺒﺼَّﺔ
    ﻋﻴﻮﻧﻚ ﺯﻯ ﺩﺭﺱ ﻓﻨَّﺎﻥ . ... ﻭﺩﺍﻳﺮ
    ﻟﻴﻬﻮ ﻛﻢ ﺣﺼَّﺔ
    ﻋﻴﻮﻧﻚ ﺯﻯ ﺣﻠﻢ ﺭﺍﺋﻊ .... ﻣﻨﺎﻣﻨﺎ
    ﻣﻌﺎﻫﻮ ﻳﺘﻘﺺَّ
    ﺻﻔﺎﻫﻦ ﺯﻯ ﺳﻤﺎﻧﺎ ﺍﻟﻌﺎﻟﻰ .. ﻟﻤَّﻦ
    ﻧﺠﻤﻮ ﻳﺘﺮﺹَّ
    ﻣﻨﺎﻣﻦ ﺯﻯ ﺧﺴﻮﻑ ﺍﻟﻘﻤﺮﺓ ........ ﻟﻤَّﻦ
    ﺗﻤﺸﻰ ﺗﻨﺪﺱَّ
    ﻋﻴﻮﻧﻚ ﻗﻤَّﺔ ﻓﻰ ﺍﻹﺑﺪﺍﻉ .... ﻧﺮﻛِّﺰ
    ﻓﻴﻬﻮ ﻣﺎ ﺑﻨﻨﺴﻰ
    ﺳﻮﺍﺩﻫﺎ ﺍﻟﺤﻴَّﺮ ﺍﻟﻜُﺘَّﺎﺏ .... ﺑﻴﺎﺿﻬﺎ
    ﻧﻀﺎﺭﻭ ﻳﺘﻤﺺَّ
    ﺭﻣﻮﺵ ﻋﻴﻨﻴﻚ ﺑﺲ ﺩﻭﺣﺔ ... ﻧﻘﻴِّﻞ
    ﻓﻴﻬﺎ ﻣﻦ ﻫﺴَّﺔ
    ﻭﻧﺒﻴِّﺖ ﻓﻴﻬﺎ ﻟﻰ ﺑﻜﺮﺓ ... ﻭﻧﺴﺎﺳﻖ
    ﺗﺎﻧﻰ ﻟﻠﻔﺮﺻﺔ
    ﻧﻈﺒِّﻂ ﻛﻞ ﺃﻣﻮﺭﻧﺎ ﻣﻌﺎﻙ .... ﻋﺸﺎﻥ
    ﺍﻟﺨُﻄﺒﺔ ﻭﺍﻟﻌَﺮﺳﺔ
    ﻭﻓﺠﺄﺓ ﺗﺠﻴﻨﺎ ﺗﻌﻠﻴﻤﺎﺕ .... ﻣﻨﺰَّﻟﺔ ﻓﻴﻨﺎ
    ﺑﻰ ﻗﺮﺻﺔ
    ﺻﺒﺎﺡ ﺍﻟﺨﻴﺮﻣﻦ ﺃﻷﺣﻼﻡ ... ﺻﺒﺎﺡ
    ﺍﻟﺨﻴﺮﻣﻦ ﺍﻟﻨَّﻌﺴﺔ
    ﺻﺒﺎﺣﻜﻢ ﺇﻧﺘﻮ ﺃﻳﻀﺎً ﺧﻴﺮ .... ﻭﺃﺭﻳﺘﻜﻢ
    ﺗﻔﻬﻤﻮﺍ ﺍﻟﻘﺼَّﺔ
    ﻷﻧﻮ ﺍﻟﻘﺼﺔ ﺻﺎﺭﺕ ﺟﺪ .... ﻭﻧﺤﻦ ﻣﻊ
    ﺍﻟﺤﻠﻢ ﻟﺴَّﺔ
    Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven  Like a Star @ heaven



      الوقت/التاريخ الآن هو السبت 21 أبريل - 20:39